Bakı Dövlət Universiteti Beynəlxalq münasibətlər və İqtisadiyyat fakültəsi

Bakı Dövlət Universitetinin Beynəlxalq münasibətlər və iqtisadiyyat fakültəsinin Maliyyə və menecment kafedrasının “Uğur hekayəsi” layihəyəsi çərçivəsində “Beauttech” şəbəkəsinin yaradıcısı Elnarə Naxmedova ilə görüş keçirilib.

Layihə çərçivəsində Elnarə Naxmedova öz hekayəsini, təcrübəsini və biznes tövsiyələrini paylaşıb. Sıfırdan bir iş qurmağa başlayanlar üçün biznes mühiti və çətinliklərini danışıb. Komanda ruhunun vacibliyini diqqətə çatdırıb. Azərbaycanda öz işini qurmaq istəyən gənc qadınlara ilk öncə özünə inanmağın vacibliyini vurğulayıb.

Sonra tələbələri maraqlandıran suallar cavablandırılıb. Görüşün sonunda fakültənin dekanı Laçın Abışlı tərəfindən Elnarə Naxmedovaya təşəkkürnamə verilib.