Bakı Dövlət Universiteti Beynəlxalq münasibətlər və İqtisadiyyat fakültəsi

Bakı Dövlət Universitetinin Beynəlxalq münasibətlər və iqtisadiyyat fakültəsinin İqtisadiyyat kafedrasının təşkilatçılığı ilə “Azərbaycanda sənayenin innovativ idarə edilməsinin təkmilləşdirilməsi istiqamətləri” mövzusunda növbəti elmi seminar keçirilmişdir

 

Elmi seminarın mövzusu üzrə məruzəçi, İqtisadiyyat kafedrasının professoru Pəri Həsənova çıxış edərək, hasilat sənayesi, emal sənayesi, elektrik enerjisi, qaz və buxar istehsalı, bölüşdürülməsi və təchizatı sahələrində əsas kapitala investisiya qoyuluşlarının mövcud vəziyyətinə dair statistik təhlillər aparılmış, innovasiyalı fəaliyyətlərin genişləndirilməsində texnoloji innovasiyaların, emal sənayesində məhsul və proses innovasiyalarının inkişafında maliyyələşmə mənbələrinin vacib rol oynamasına dair emumiləşdirmələr aparmışdır. İnnovasiya xərclərinin maliyyələşməsində dövlət tərəfindən yaradılan məqsədyönlü fondlar, subsidiyalar, bank kreditləri, müxtəlif təşkilatlar tərəfindən ayrılan təyinatlı vəsaitlər və yardımlar, sifarişlər əsasında ödənişlər, müəssisələrin daxilində yaradılmış müxtəlif fondlar və digər gəlirlərin istifadə olunması imkanları nəzərdən keçirilmişdir. Bazar iqtisadiyyatı şəraitində rəqabət şəraitləri də nəzərə alınmaqla ən etibarlı və davamlı mənbə kimi hər bir istehsal müəssisəsinin öz daxili imkanları hesabına innovasiya xərclərinin maliyyələşdirməsi məsələlərinə üstünlük verilmişdir ki, burada da, daxili və xarici amillərin təsirinin diqqət mərkəzində saxlanılmasına dair tövsiyyələr irəli sürülmüş, innovasiyaların genişləndirilməsində təşkilati-iqtisadi problemlərin həllinə dair fikirlər açıqlanmışdır.

 

Sonda mövzu ilə əlaqədar suallar verilmiş və müzakirələr aparılmışdır.