Bakı Dövlət Universiteti Beynəlxalq münasibətlər və İqtisadiyyat fakültəsi

Bakı Dövlət Universitetinin Beynəlxalq münasibətlər və iqtisadiyyat fakültəsinin Tələbə Gənclər Təşkilatının təşkilatçılığı ilə “Azərbaycan Dəmir Yolları” Qapalı Səhmdar Cəmiyyətinin Dəmiryol Muzeyinə tələbələrin iştirakı ilə ekskursiya təşkil edilib.

 

“Azərbaycan Dəmir Yolları” Dəmiryol Muzeyi açılışı 19 noyabr 2019-cu il tarixində Prezident İlham Əliyevin iştirakı ilə baş tutub. Muzeydə XIX əsrdə dəmir yolunun yaranması tarixini əks etdirən foto və video materiallar, dəmir yolu və qatar modelləri yer alır. Həmçinin muzeydə 2 eksponat zalı, 3 sərgi zalı, kino zalı, mədəniyyət və korporativ tədbirlərin təşkili üçün salonlar fəaliyyət göstərir. Muzeydə Ulu Öndər Heydər Əliyevin ölkəmizdə dəmir yollarının inkişafına göstərdiyi misilsiz xidmətlərin yer aldığı fotoguşə də yerləşdirilib. 

 

Sonda fakültəmizin tələbələri muzeydə xatirə şəkli çəkdiriblər.