Bakı Dövlət Universiteti Beynəlxalq münasibətlər və İqtisadiyyat fakültəsi

Beynəlxalq münasibətlər və iqtisadiyyat fakültəsinin Dünya İqtisadiyyatı kafedrasının müəllimi Təhminə Balacayevanın təqdimatında “Logistik Fəaliyyətdə Təchizat Zəncirinin İdarə Edilməsi” mövzusunda elmi seminar keçirilib.

 

Məruzəçi Təhminə Balacayeva qeyd etmişdir ki, logistik fəaliyyətdə təchizat zəncirinin idarə edilməsi, xüsusən qloballaşma, rəqəmsallaşma və artan rəqabət ilə səciyyələnən bir dövrdə müasir biznes əməliyyatlarının kritik aspekti kimi ortaya çıxmışdır. Həmçinin bildirib ki, logistika bazar iqtisadiyyatı tipli təsərrüfat strukturunun fəaliyyətinin taktikasını və ümumi strategiyasını əks etdirir. Bu qaydaların əksəriyyəti logistikanı təyin edən komponentləri və xüsusiyyətləri nəzərə alır, həmçinin onun fəaliyyətinin səmərəliliyinə təsir göstərir. Logistik fəaliyyətlərin idarə edilməsində təchizat zəncirinin rolunu xüsusi vurğulayan məruzəçi daha sonra məşhur şirkətlər üzərində apardığı təhlilini təqdim etmişdir.

 

Sonda mövzu ətrafında müzakirələr aparılıb və verilən suallar məruzəçi tərəfindən cavablandırılıb.